നന്തി: കലയും കായികവും ആസ്വാദനമാകുന്നതിനു പകരം ആരാധനയാക്കി മാറ്റണമെന്ന് സുപ്രഭാതം സി.ഇ.ഒ മുസ്തഫ മാസ്റ്റര്‍ പറഞ്ഞു. ദാറുസ്സലാം വിദ്യാര്‍ഥി യൂനിയന്‍ ബുസ്താന്‍ സംഘടിപ്പിക്കുന്ന ഇസ്‌ലാമിക് ടാലന്റ് ഷോ 'സനാനീര്‍ 16'ന്റെ ഉദ്ഘാടന സംഗമത്തില്‍ ബുസ്താന്‍ ഔദ്യോഗിക വെബ്‌സൈറ്റിന്റെ ലോഞ്ചിങ് നിര്‍വഹിച്ചു സംസാരിക്കുകയായിരുന്നു അദ്ദേഹം. എ.വി അബ്ദുറഹിമാന്‍ മുസ്‌ലിയാര്‍ പരിപാടി ഉദ്ഘാടനം ചെയ്തു.
തഖിയുദ്ദീന്‍ ഹൈത്തമി അധ്യക്ഷനായി. ശംസുദ്ദീന്‍ ഫൈസി, ഉബൈദുല്ല ബാഖവി, മുഹമ്മദ് സഖാഫി മലയമ്മ, അന്‍വര്‍ ഹൈത്തമി, ഷാഫി ഹൈത്തമി, അമ്മാര്‍ ഹുദവി, മാജിദ് ഫവാസ്, സുഫൈര്‍ ചെര്‍ക്കള, അലി സഫ്‌വാന്‍ സംബന്ധിച്ചു.