ലഖ്‌നോ: രണ്ടാംഘട്ട തെരഞ്ഞെടുപ്പ് നടക്കുന്ന ഉത്തര്‍പ്രദേശിലെ 67 മണ്ഡലങ്ങളില്‍ ഇന്നു പരസ്യ പ്രചാരണത്തിനു കൊടിയിറങ്ങും. 11 ജില്ലകളിലായി പരന്നുകിടക്കുന്ന മണ്ഡലങ്ങളില്‍ ബുധനാഴ്ചയാണു തെരഞ്ഞെടുപ്പ്.
സഹാറന്‍പൂര്‍, ബിജ്‌നൂര്‍, മുറാദാബാദ്, സംഭാല്‍, റാംപൂര്‍, ബറേലി, അംറോഹ, പിലിഭിത്, ഖേരി, ശാജഹാന്‍പൂര്‍, ബദാവൂന്‍ ജില്ലകളിലാണു രണ്ടാംഘട്ടത്തില്‍ തെരഞ്ഞെടുപ്പ് നടക്കുന്നത്.കഴിഞ്ഞ ദിവസങ്ങളിലായി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെയും മുഖ്യമന്ത്രി അഖിലേഷ് യാദവിന്റെയും നേതൃത്വത്തില്‍ കോണ്‍ഗ്രസ്-എസ്.പി സഖ്യവും പ്രധാനമന്ത്രി നരേന്ദ്ര മോദി, ബി.ജെ.പി ദേശീയ അധ്യക്ഷന്‍ അമിത് ഷാ എന്നിവരുടെ നേതൃത്വത്തില്‍ ബി.ജെ.പിയും മായാവതിയുടെ നേതൃത്വത്തില്‍ ബി.എസ്.പിയും വന്‍ പ്രചാരണമാണു മണ്ഡലത്തില്‍ നടത്തിയത്.
67 മണ്ഡലങ്ങളില്‍ എസ്.പി 34ഉം ബി.എസ്.പി 18ഉം ബി.ജെ.പി 10ഉം കോണ്‍ഗ്രസ് മൂന്നും മറ്റുള്ളവര്‍ രണ്ടും സീറ്റുകളാണ് 2012ല്‍ നേടിയത്. 2.28 കോടി ജനങ്ങളാണ് ഇത്തവണ വിധിയെഴുതും.