മസ്‌കത്ത്: മസ്‌കത്ത് റെയ്ഞ്ച് ജംഇയ്യത്തുല്‍ മുഅല്ലിമീന്‍ സംഘടിപ്പിച്ച ഇസ്‌ലാമിക കലാമേള മുസാബഖ 2017 മസ്‌കത്തിലെ റൂവി സുന്നി സെന്റര്‍ മദ്‌റസയില്‍ സമാപിച്ചു. മസ്‌കത്ത് റൈഞ്ചിലെ 23 മദ്‌റസകളില്‍ നിന്നായി 150 ലേറെ വിദ്യാര്‍ഥികള്‍ പങ്കെടുത്തു.
ജൂനിയര്‍, സീനിയര്‍ വിഭാഗങ്ങളില്‍ കൂടുതല്‍ പോയിന്റ് നേടി ക്യാപിറ്റല്‍ മേഖല ഒന്നാം സ്ഥാനവും ബാത്തിന മേഖല രണ്ടാം സ്ഥാനവും കരസ്ഥമാക്കി.  ഏറ്റവും കൂടുതല്‍ പോയിന്റ് നേടി സൊഹാര്‍ നുസ്‌റത്തുല്‍ ഇസ്‌ലാം മദ്‌റസ ഒന്നാമതെത്തി.
 ജൂനിയര്‍ കലാപ്രതിഭയായി സൊഹാര്‍ നുസ്‌റത്തുല്‍ ഇസ്‌ലാം മദ്‌റസയിലെ കെന്‍സ് മുഹമ്മദ്കുട്ടിയും സീനിയര്‍ വിഭാഗത്തില്‍ റൂവി സുന്നി സെന്റര്‍ മദ്‌റസയിലെ മുഹമ്മദ് സഅദും തിരഞ്ഞെടുക്കപ്പെട്ടു.
സമാപന സമ്മേളനം പ്രസിഡന്റ് പുറങ്ങ് അബ്ദുല്ല മുസ്‌ലിയാര്‍ ഉല്‍ഘാടനം ചെയ്തു.  വര്‍ക്കിങ് പ്രസിഡന്റ്  ത്വാഹാ ജിഫ്്‌രി തങ്ങള്‍ അധ്യക്ഷനായി. ഹമീദ് ഹാജി ബറക്ക  സമ്മാനം നല്‍കി. സുന്നി സെന്റര്‍ പ്രസിഡന്റ് ഇസ്മാഈല്‍ കുഞ്ഞു ഹാജി മാന്നാര്‍, ബറക്ക സുന്നി സെന്റര്‍ പ്രസിഡന്റ് ഹംസ ഹാജി, സെക്രട്ടറി സലാം കോട്ടക്കല്‍, റെയ്ഞ്ച് ഉപാധ്യക്ഷന്‍ തബീബ് അബ്ദുസമദ് ഫൈസി, ജലീല്‍ ഹുദവി, ഹസന്‍ ബാവ ഹാജി, യുസുഫ് മുസ്‌ലിയാര്‍ സീബ്, മോയിന്‍  ഫൈസി ഇബ്ര, ശൈഖ് അബ്ദുറഹ്്മാന്‍ മത്ര, ഹാഷിം ഫൈസി, ബാവ ദാരിമി, സലാം കൊളത്തൂര്‍, മുജീബ് വാദി ഹതാത്, അബ്ദുല്‍ ഖാദര്‍ മുസ്‌ലിയാര്‍ ഫലജ്, അബ്ദുല്‍ ഹമീദ് റഹീമി ബുറൈമി, ഷാക്കിര്‍ ഫൈസി, ആബിദ് മുസ്‌ലിയാര്‍ എറണാകുളം സംബന്ധിച്ചു.