കൃഷ്ണഗിരി: കേരള വെറ്ററന്‍സ് ക്രിക്കറ്റ് അസോസിയേഷന്‍ ബൈജൂസ് ദി ലേണിങ്ങ് ആപുമായി സഹകരിച്ച് നടത്തിയ നാലാമത് വെറ്ററന്‍സ് പ്രീമിയര്‍ ലീഗില്‍ അബ്‌സല്യൂട്ട് സോബേഴ്‌സ് ജേതാക്കള്‍. ഫൈനലില്‍ കൊച്ചി റോയല്‍സിനെ അവര്‍ ഏഴു വിക്കറ്റിനു പരാജയപ്പെടുത്തി. ആദ്യം ബാറ്റ് ചെയ്ത കൊച്ചി റോയല്‍സ് 15 ഓവറില്‍ 95 റണ്‍സ് നേടി. മറുപടി ബാറ്റിങിനിറങ്ങിയ അബ്‌സല്യൂട്ട് സോബേഴ്‌സ് 14 ഓവറില്‍ മൂന്നു വിക്കറ്റ് നഷ്ടത്തില്‍ ലക്ഷ്യം കണ്ടു. കെ.സി.എ വൈസ് പ്രസിഡന്റ് നാസര്‍ മച്ചാന്‍, കെ.സി.എ സെക്രട്ടറി ജയേഷ് ജോര്‍ജ്, ജാഫര്‍, പ്രസീത് സമ്മാനദാനം നിര്‍വഹിച്ചു.