മുംബൈ: സയ്യിദ് മുഷ്താഖ് അലി ടി20 മേഖലാ പോരാട്ടങ്ങളില്‍ മധ്യമേഖലയ്ക്കും ഉത്തരമേഖലയ്ക്കും ജയം. മധ്യമേഖല ആറു വിക്കറ്റിനു പശ്ചിമ മേഖലയേയും ഉത്തരമേഖല എട്ടു വിക്കറ്റിനു ദക്ഷിണമേഖലയേയും പരാജയപ്പെടുത്തി. പശ്ചിമമേഖല എട്ടു വിക്കറ്റിനു 160 റണ്‍സെടുത്തപ്പോള്‍ മധ്യമേഖല നാലു വിക്കറ്റ് നഷ്ടത്തില്‍ 165 റണ്‍സെടുത്ത് വിജയിച്ചു.
ദക്ഷിണ മേഖല അഞ്ചു വിക്കറ്റ് നഷ്ടത്തില്‍ 173 റണ്‍സെടുത്തപ്പോള്‍ ഉത്തരമേഖല രണ്ടു വിക്കറ്റ് നഷ്ടത്തില്‍ 176 റണ്‍സെടുത്ത് വിജയിക്കുകയായിരുന്നു. ഉത്തരമേഖലയ്ക്കായി ഗംഭീര്‍ 51 പന്തില്‍ 81 റണ്‍സും ധവാന്‍ 38 പന്തില്‍ 50 റണ്‍സും റിഷഭ് പന്ത് 19 പന്തില്‍ 33 റണ്‍സും അടിച്ചെടുത്തു.