കോട്ടയം: ബൈക്കിന്റെ പിന്‍സീറ്റില്‍ യാത്ര ചെയ്യവേ ചക്രത്തില്‍ ഷാള്‍ കുരുങ്ങി വീണ് വീട്ടമ്മയുടെ കാലിന് ഗുരുതര പരിക്ക്. മിനി (52)ക്കാണ് പരുക്കേറ്റത്. ഇന്നലെ വൈകിട്ട് എട്ടിന് കോട്ടയം കെ.എസ്.ആര്‍.ടി.സി ബസ് സ്റ്റാന്‍ഡിന് മുന്നിലായിരുന്നു അപകടം.
മകന്‍ അമലിന്റെ ബൈക്കിന് പിന്നില്‍ യാത്ര ചെയ്യുകയായിരുന്നു മിനി. ചുരിദാറിന്റെ ഷാള്‍ ഓടിക്കൊണ്ടിരിക്കുകയായിരുന്ന ബൈക്കിന്റെ പിന്‍ചക്രത്തില്‍ കുരുങ്ങുകയും കെ.എസ്.ആര്‍.ടി.സി ബസ് സ്റ്റാന്‍ഡിന് മുന്നിലെത്തിയപ്പോള്‍ നിയന്ത്രണം തെറ്റി വീഴുകയുമായിരുന്നു. മിനിയുടെ വലതു കാല്‍ ചക്രത്തിനിടയില്‍പ്പെട്ട് ചതഞ്ഞരഞ്ഞു. ഉടന്‍ തന്നെ ജില്ലാ ആശുപത്രിയിലെത്തിച്ച് പ്രാഥമിക ശ്രുശ്രൂഷ നല്‍കിയ ശേഷം കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി.