പടപ്പറമ്പ്: പാങ്ങ്  പ്രാഥമികാരോഗ്യ കേന്ദ്രത്തിന് കീഴില്‍ മഴക്കാല പൂര്‍വ്വ ശുചീകരണ പ്രവര്‍ത്തനങ്ങളുടെ  ഭാഗമായി ആരോഗ്യ ബോധവല്‍ക്കരണ കലാജാഥ സംഘടിപ്പിച്ചു. ജാഥയുടെ ഉദ്ഘാടനം പടപ്പറമ്പില്‍വെച്ച് ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ ഷാജിയുടെ അധ്യക്ഷതയില്‍  കുറുവ ഗ്രാമപഞ്ചായത്ത് പ്രസിഡന്റ് മുല്ലപള്ളി യൂസഫ് നിര്‍വഹിച്ചു. ക്ഷേമ കാര്യ സ്റ്റാന്റിംഗ്  കമ്മിറ്റി ചയര്‍പെഴ്‌സണ്‍ ഷാഹിദ പി.ടി, മെമ്പര്‍മാരായ ഹംസ, എ.സി കുഞ്ഞയമു, പഞ്ചായത്ത്  സെക്രട്ടറി ശറഫുദ്ദീന്‍ സംബന്ധിച്ചു.

അധ്യാപക സംഗമങ്ങള്‍ ഇന്ന്‌കോഡൂര്‍: അടുത്ത വര്‍ഷത്തെ പാഠ്യപ്രവര്‍ത്തനങ്ങള്‍ക്ക് അന്തിമരൂപം  നല്‍കുന്നതിനായുള്ള ഏകദിന അധ്യാപക സംഗമങ്ങള്‍ ഇന്നു നടക്കും. എസ്.എസ്.എ. മലപ്പുറം ബ്ലോക്ക്  റിസോഴ്‌സ് സെന്റിനു കീഴിലുള്ള മലപ്പുറം നഗരസഭയിലെ മേല്‍മുറി മേഖല സംഗമം  എം.എം.ഇ.ടി. ഹയര്‍സെക്കന്‍ഡറി സ്‌കൂളിലും മലപ്പുറം മേഖല കോട്ടപ്പടി ബോയ്‌സ് ഹയര്‍സെക്കന്‍ഡറി  സ്‌കൂളിലും കോട്ടക്കല്‍ നഗരസഭയില്‍ സി.എച്ച്. മുഹമ്മദ് കോയ സ്മാരക ഓഡിറ്റോറിയത്തിലും  കോഡൂര്‍ ഗ്രാമപഞ്ചായത്തില്‍ താണിക്കലിലുള്ള കിളിയമണ്ണില്‍ മുഹമ്മദാജി സ്മാരക ഓഡിറ്റോറിയത്തിലും  പൂക്കോട്ടൂര്‍ ഗ്രാമപഞ്ചായത്തിലേത് പുല്ലാനൂര്‍ ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളിലും പൊന്മള  ഗ്രാമപഞ്ചായത്തിലേത് ചാപ്പനങ്ങാടി പൂക്കോയത്തങ്ങള്‍ സ്മാരക വൊക്കേഷണല്‍ ഹയര്‍ സെക്കന്‍ഡറി സ്‌കൂളിലും  നടക്കും. ചൊവ്വാഴ്ച സ്‌കൂള്‍ തലങ്ങളില്‍ ഏകദിന അധ്യാപകരക്ഷകര്‍തൃ സമിതി സംഗമങ്ങള്‍ നടക്കും.