മുംബൈ: പ്രധാനമന്ത്രി നരേന്ദ്ര മോദിക്കെതിരെ ശക്തമായ വിമര്‍ശനവുമായി സഖ്യകക്ഷിയായ ശിവസേന രംഗത്ത്. മറ്റുള്ളവരുടെ കുളിമുറിയില്‍ ഒളിഞ്ഞുനോക്കുന്നത് അവസാനിപ്പിക്കൂവെന്നും ഭരണത്തില്‍ ശ്രദ്ധ കേന്ദ്രീകരിക്കൂയെന്നും ശിവസേനയുടെ മുഖപത്രമായ സാംമ്‌നയില്‍ പറഞ്ഞു. മുന്‍ പ്രധാനമന്ത്രി മന്‍മോഹന്‍ സിങിനെതിരെ മോദി നടത്തിയ പരാമര്‍ശത്തെ ചുവടുപിടിച്ചാണ് ശിവസേനയുടെ ആക്രമണം.

പ്രതിപക്ഷത്തിന്റ ജാതകം നോക്കി സമയം കളയാതെ ഭരണത്തില്‍ ശ്രദ്ധ കേന്ദ്രീകരിക്കണമെന്നും അഭിമാനം കാത്തുസൂക്ഷിക്കണമെന്നും ശിവസേന ഉപദേശിച്ചു. പ്രധാനമന്ത്രിയും മുഖ്യമന്ത്രിമാരുമെങ്കിലും പരസ്പരം ചെളിവാരിയെറിയലില്‍ നിന്ന് വിട്ടുനില്‍ക്കണം. മറ്റുള്ളവരുടെ കുളിമുറിയില്‍ ഒളിച്ചുനോക്കുന്നത് ഒഴിവാക്കേണ്ടതാണെന്നും മുഖപത്രത്തില്‍ പറയുന്നു.