മുംബൈ:  ബജറ്റ് പ്രഖ്യാപനത്തിന്റെ പശ്ചാത്തലത്തില്‍ തിരിച്ചടി നേരിട്ട ഓഹരി വിപണിയില്‍ ഇന്ന് നഷ്ടത്തുടക്കം. സെന്‍സെക്‌സ് 339.94 പോയിന്റ് ഇടിവു രേഖപ്പെടുത്തി 35566.72 ലാണ് വ്യാപാരം നടക്കുന്നത്. ദേശീയ ഓഹരി സൂചികയായ നിഫ്റ്റി 100.05 പോയിന്റ് ഇടിഞ്ഞ് 10916.85 പോയിന്റിലുമാണ് വ്യാപാരം പുരോഗമിക്കുന്നത്.

ധനകമ്മി പ്രതീക്ഷിച്ചതിലും ഉയര്‍ന്നതും ദീര്‍ഘകാല മൂലധന നേട്ടത്തിന്‍മേല്‍ ഏര്‍പ്പെടുത്തിയ നികുതിയുടെ ആഘാതവുമാണ് വിപണിയില്‍ പ്രതിഫലിക്കുന്നത്. ഒരു ലക്ഷം രൂപയ്ക്കു മുകളില്‍ വരുന്ന മൂലധന നേട്ടത്തിന് 10 ശതമാനം നികുതിയാണ് ഏര്‍പ്പെടുത്തിയിരിക്കുന്നത്.