കൂട്ടിലങ്ങാടി:  സീബ്രാവരകള്‍ പൂര്‍ണമായും മാഞ്ഞു. കോഴിക്കോട് - പാലക്കാട് ദേശീയ പാതയിലെ തിരക്കേറിയ കൂട്ടിലങ്ങാടി ടൗണിലാണു സീബ്രാവരകള്‍ പൂര്‍ണമായും മാഞ്ഞത്. ഇക്കാരണത്താല്‍ അപകടം പതിവാകുകയാണ്. ഡ്രൈവര്‍മാര്‍ക്കു സീബ്രാലൈനുകള്‍ ദൃശ്യമാവാത്തതാണ് അപകടം ക്ഷണിച്ചു വരുത്തുന്നത്.  ദിവസങ്ങള്‍ക്കു മുമ്പ്  ഈ ഭാഗത്തു കൂടി റോഡ് മുറിച്ചു കടന്ന ഹൈസ്‌കൂള്‍ വിദ്യാര്‍ഥിക്ക് കാര്‍ ഇടിച്ച് ഗുരുതര പരുക്കേറ്റിരുന്നു. നേരത്തെയും അപകടങ്ങളുണ്ടായിട്ടുണ്ട്. സീബ്രാ ലൈന്‍ ദൃശ്യമാകാത്തതിനാല്‍ ഡ്രൈവര്‍മാര്‍ റോഡ് മുറിച്ചു കടക്കുന്നവരോടു കയര്‍ക്കുന്നതും പതിവാണ്.