കൊപ്പം: സമസ്ത കേരള ജംഇയ്യത്തുല്‍ മുഅല്ലിമീന്‍ കൊപ്പം മേഖല ഇസ്‌ലാമിക കലാമേളയില്‍ തിരുവേഗപ്പുറ റെയ്ഞ്ച് ഒന്നാം സ്ഥാനം നേടി. ആമയൂര്‍ റെയ്ഞ്ച് രണ്ടും കൊപ്പം റെയ്ഞ്ച് മൂന്നും സ്ഥാനങ്ങള്‍ നേടി. മേല്‍മുറി നൂറുല്‍ഹിദായ മദ്‌റസ നടന്ന പരിപാടിയില്‍ മൊയ്തുട്ടി ഹാജി പതാക ഉയര്‍ത്തി. സയ്യിദ് ഹസന്‍ സഖാഫ് തങ്ങള്‍ ഉദ്ഘാടനം ചെയ്തു. കെ.ടി. മുഹമ്മദലി ബാഖവി അധ്യക്ഷനായി. കെ.പി. ഉമര്‍ മുസ്‌ലിയാര്‍, ടി.പി. ജലീല്‍ ഫൈസി, അബ്ബാസ് മൗലവി, എടപ്പയില്‍ മാനു ഹാജി, ആലിക്കുട്ടി, അലി, ഹൈദര്‍ സഅദി പ്രസംഗിച്ചു. നൂറുല്‍ ഹിദായ മദ്‌റസ പ്രധാന അധ്യാപകന്‍ അമാനുല്ല മൗലവിയെ ചടങ്ങില്‍ ആദരിച്ചു. കെ.പി.എ. സമദ് മാസ്റ്റര്‍ സ്വാഗതവും  ഇര്‍ഷാദ് മേല്‍മുറി നന്ദിയും പറഞ്ഞു.