സുവാര: പശ്ചിമ ലിബിയയില്‍ കപ്പല്‍ തകര്‍ന്ന് നിരവധി പേര്‍ മരിച്ചതായി അന്താരാഷ്ട്ര കുടിയേറ്റ സംഘടന. 90 പേരെയാണ് കാണാതായിരിക്കുന്നത്.

സുവാര നഗരത്ത് 10 മൃതദേഹങ്ങള്‍ തീരത്തടിഞ്ഞതായി സംഘടന വ്യക്തമാക്കി. ഇതില്‍ എട്ടു പാകിസ്താനികളും രണ്ടു ലിബിയക്കാരുമാണെന്ന് തിരിച്ചറിഞ്ഞിട്ടുണ്ട്.

സമീപത്തുണ്ടായിരുന്ന മീന്‍പിടുത്ത ബോട്ട് ഒരാളെ രക്ഷപ്പെടുത്തിയിട്ടുണ്ട്. രണ്ടു പേര്‍ നീന്തി കരയ്ക്കടുത്തിട്ടുണ്ട്.

കപ്പല്‍ തര്‍ന്ന ഭാഗത്തേക്ക് ബോട്ടുകള്‍ക്ക് അടുക്കാനാവുന്നില്ലെന്നാണ് റിപ്പോര്‍ട്ടുകള്‍. രക്ഷാപ്രവര്‍ത്തനത്തെ ഇതു ബാധിച്ചിട്ടുണ്ട്.

ലിബിയയില്‍ നിന്ന് മധ്യധരണ്യാഴിയിലൂടെ ഇറ്റലിയിലേക്കും മറ്റു യൂറോപ്യന്‍ രാജ്യങ്ങളിലേക്കുമുള്ള പാതയാണിത്.

ലോകത്തെ ഏറ്റവും കൂടുതല്‍ മരണം സംഭവിക്കുന്ന പാതയാണിത്. 2017 ല്‍ 3,116 പേരാണ് ഈ ഭാഗത്ത് മരിച്ചത്.