ജിദ്ദ: വിദേശികള്‍ അടച്ച ആശ്രിത ലെവി തിരിച്ചു നല്‍കില്ലെന്ന് സഊദി ജവാസാത്ത് അറിയിച്ചു. ഒരു വര്‍ഷത്തെ ലെവി ഒന്നിച്ചടച്ചാല്‍ മാത്രമേ ഇഖാമ പുതുക്കി നല്‍കുകയുള്ളൂവെന്നും അധികൃതര്‍ വ്യക്തമാക്കി. ഇഖാമ കാലാവധി തീരുന്നതിനു മുന്‍പ് ആശ്രിത വിസയിലുള്ളവര്‍ ഫൈനല്‍ എക്‌സിറ്റില്‍ നാട്ടിലേക്ക് പോകുകയാണെങ്കില്‍ ലെവിയായി അടച്ച തുക തിരിച്ചു നല്‍കില്ലെന്ന് ജവാസാത് വ്യക്തമാക്കി.

ആശ്രിതരെ ഫൈനല്‍ എക്‌സിറ്റില്‍ വിട്ടതിനു ശേഷം സ്വന്തം ഇഖാമ പുതുക്കാനുദ്ദേശിക്കുന്നവര്‍ ഇഖാമ കാലാവധി തീരുന്നതിനു മുന്‍പേ ആശ്രിതരെ നാട്ടില്‍ വിടണമെന്നും ജവാസാത് അറിയിച്ചു.

കഴിഞ്ഞവര്‍ഷം ജൂലായ് മുതലാണ് ആശ്രിതരായ ഓരോ കുടുംബാംഗങ്ങളുടെ പേരിലും മാസംതോറും 100 റിയാല്‍ ലെവി ഏര്‍പ്പെടുത്തിയത്. ഇത് ഈ വര്‍ഷം ജൂലായ് മുതല്‍ 200 റിയാലായും അടുത്തവര്‍ഷം 300 റിയാലും 2020 ല്‍ 400 റിയാലായും ഉയര്‍ത്തും.