വടക്കാഞ്ചേരി: മേഖലയില്‍ തുടര്‍ച്ചയായി രണ്ടാം ദിവസവും ഭൂചലനം. ഇരട്ട കുളങ്ങരയില്‍ കഴിഞ്ഞ ദിവസം അനുഭവപ്പെട്ട ഭൂചലനത്തിന്റെ തുടര്‍ച്ചയായി ഇന്നലെ രാവിലെ 6.15 ഓടെ ഇരട്ടക്കുളങ്ങര, തെക്കുംകര, കല്ലംപാറ, അടങ്ങളം, മാരാത്ത് കുന്ന്, അകമല, എങ്കക്കാട്, മങ്കര കരുമത്ര, പുന്നംപറമ്പ് തുടങ്ങി വിവിധ പ്രദേശങ്ങളില്‍ ചലനം അനുഭവപ്പെട്ടു. ഭൂമിക്കടിയില്‍ നിന്നു വലിയ മുഴക്കവും അനുഭവപ്പെട്ടിരുന്നു. പാത്രങ്ങള്‍ കുലുങ്ങുകയും താഴെ വീഴുകയും ചെയ്തു. ഇതോടെ ജനങ്ങള്‍ പരിഭ്രാന്തിയിലായി. കഴിഞ്ഞ വര്‍ഷവും സമാനമായ രീതിയില്‍ ചലനം അനുവപ്പെട്ടിരുന്നു. തുടര്‍ച്ചയായി ഭൂചലനം അനുഭവപ്പെടുന്നതില്‍ വലിയ ഭയാശങ്കയിലാണ് ജനങ്ങള്‍. ഇതേക്കുറിച്ച് പഠനം നടത്താന്‍ അധികൃതര്‍ തയാറാകണമെന്ന ആവശ്യവും ശക്തമാണ്.