മണ്ണാര്‍ക്കാട്: സ്‌കൂള്‍ പരീക്ഷയില്‍ വിദ്യാര്‍ഥികള്‍ക്ക് ആവശ്യമായ പരിശീലനവും വിവിധ വിഷയങ്ങളില്‍ വേണ്ട നിര്‍ദ്ദേശങ്ങള്‍ നല്‍കുന്നതിനു വേണ്ടിയുള്ള എക്‌സാം ഓറിയന്റേഷന്‍ ക്യാംപുകള്‍ സംഘടിപ്പിക്കാന്‍ സമസ്ത കേരള സുന്നി ബാലവേദി ജില്ലാ സെക്രട്ടറിയേറ്റ് യോഗം തീരുമാനിച്ചു. വിദ്യാര്‍ഥികള്‍ക്ക് പരീക്ഷയില്‍ നേരിടുന്ന പ്രശ്‌നങ്ങളെ കുറിച്ചും പരീക്ഷാപേടി മാറ്റുന്നതിനു വേണ്ടിയുമുള്ള കൗണ്‍സിലിങ് ക്യാംപില്‍ നല്‍കും.
ക്യാംപിന്റെ ജില്ലാതല ഉദ്ഘാടനം ഫെബ്രുവരി 19ന് ആമയൂര്‍ റെയ്ഞ്ചിലെ പറക്കാട് ഖൂവ്വത്തുല്‍ ഇസ്‌ലാം മദ്‌റസയില്‍ നടക്കും. യോഗത്തില്‍ ജില്ലാ പ്രസിഡന്റ് മുനാഫര്‍ ഒറ്റപ്പാലം അധ്യക്ഷനായി.
സയ്യിദ് അജ്മീറലി പാലക്കാട്, മുഹ്‌സിന്‍ മടത്തിപ്പറമ്പ്, മുബഷിര്‍ ചുങ്കത്ത്, നിയാസലി തച്ചനാട്ടുകര, അസ്‌ലഹ് ആമയൂര്‍, അനസ് മാരായമംഗലം, മുഹ്‌സിന്‍ ചാലിശ്ശേരി, അജ്മല്‍ ബീവിപ്പടി, റഹീം കുമരനെല്ലൂര്‍, സ്വഫ്‌വാന്‍ ഫാരിസ് കോട്ടായി, സല്‍മാന്‍ കരിമ്പ സംബന്ധിച്ചു.
ജില്ലാ ജനറല്‍ സെക്രട്ടറി മനാഫ് കോട്ടോപ്പാടം സ്വാഗതവും റിയാസ് കൊപ്പം നന്ദിയും പറഞ്ഞു.