കിഴിശ്ശേരി: കാട്ടുപന്നിയുടെ ആക്രമത്തില്‍ ബൈക്ക് യാത്രികനായ മധ്യവയസ്‌കനു പരുക്ക്. കിഴിശ്ശേരി സ്വദേശി അബ്ദുല്‍ ഖാദറി (50)നാണ് പരുക്കേറ്റത്. ഇന്നലെ മഞ്ചേരിയില്‍ നിന്നും കിഴിശ്ശേരിയിലേക്ക് ബൈക്കില്‍ വരികയായിരുന്ന അബ്ദുല്‍ ഖാദറിനെ തൃപ്പനച്ചിയില്‍ വച്ച് ഉച്ചക്ക് പന്ത്രണ്ടോടെയാണ് കാട്ടുപന്നി അക്രമിച്ചത്. അബ്ദുല്‍ ഖാദറിന്റെ ബൈക്കില്‍ ഇടിക്കുകയായിരുന്നു. വീഴ്ചയില്‍ തോളെല്ലിന് പരുക്കേറ്റ ഇദ്ദേഹം കിഴിശ്ശേരിയിലെ സ്വകാര്യആശുപത്രിയില്‍ ചികിത്സയിലാണ്. കിഴിശ്ശേരിയിലും പരിസരങ്ങളിലും കാട്ടുപന്നികളുടെ അക്രമം വ്യാപിക്കുന്നതായി നാട്ടുകാര്‍ പറയുന്നു. രണ്ടണ്ടു ദിവസം മുമ്പ് ചുള്ളിക്കോട്ടില്‍ കാട്ടുപന്നികള്‍ ഇറങ്ങി വാഴകള്‍ നശിപ്പിച്ചിരുന്നു. പകല്‍ സമയങ്ങളില്‍ വാഹന യാത്രക്കാരെ വരെ പന്നികള്‍ അക്രമിച്ചത് ജനങ്ങളില്‍ ആശങ്കയും ഭീതിയും സൃഷ്ടിച്ചിരിക്കുകയാണ്.