കണ്ണൂര്‍: യോഗശാല റോഡിലെ ജനാധിപത്യ രാഷ്ട്രീയസഭ ഓഫിസിനു മുന്നില്‍ റീത്ത് വച്ചു. ബൊളീവിയന്‍ സേനയുടെ പേരില്‍ വച്ചിരിക്കുന്ന റീത്തില്‍ തലയോട്ടിയുടെ ചിത്രവും വരച്ചിട്ടുണ്ട്. നാളുകള്‍ എണ്ണപ്പെട്ടുവെന്ന കുറിപ്പും റീത്തിനു മുകളില്‍ വച്ചിട്ടുണ്ട്. അഴീക്കല്‍ പാമ്പാടി ആലിന്‍കീഴില്‍ ക്ഷേത്രം ഭാരവാഹികള്‍ ദലിത് ജനവിഭാഗങ്ങള്‍ക്ക് അയിത്തം കല്‍ പിച്ച സംഭവത്തില്‍ ജെ.ആര്‍.എസ് സംസ്ഥാന ജനറല്‍സെക്രട്ടറി തെക്കന്‍ സുനില്‍ കുമാറിന്റെ പരാതിയില്‍ ക്ഷേത്രഭാരവാഹികള്‍ക്കെതിരേ പൊലിസ് കേസെടുത്തിരുന്നു. സി.പി.എം നേതൃത്വത്തിലുള്ള കമ്മിറ്റിക്കാണു ക്ഷേത്രഭരണം. റീത്ത് വച്ചതുമായി ബന്ധപ്പെട്ട് തെക്കന്‍ സുനില്‍ കുമാര്‍ ജില്ലാ പൊലിസ് മേധാവിക്കു പരാതിനല്‍കി.