ന്യൂഡല്‍ഹി: അന്തര്‍ സംസ്ഥാന ചരക്കു നീക്കത്തിന് തയാറാക്കിയ ഇ-വേ ബില്‍ സംവിധാനം ആദ്യ ദിവസം തന്നെ തകരാറിലായതിനെ സംബന്ധിച്ച് ജി.എസ്.ടി.നെറ്റ്‌വര്‍ക്ക് അധികൃതരോട് ധനമന്ത്രലായം റിപ്പോര്‍ട്ട് തേടി. സംവിധാനം ആരംഭിക്കും മുന്‍പ് സാങ്കേതിക പ്രശ്‌നങ്ങള്‍ തീര്‍ക്കണമെന്ന് ജി.എസ്.ടി.എന്‍ അധികൃതരോട് ആവശ്യപ്പെട്ടിരുന്നുവെന്ന് ധനവകുപ്പ് സെക്രട്ടറി ഹസ്മുഖ് അധിയ പറഞ്ഞു.
നികുതി വെട്ടിപ്പ് തടയാന്‍ ആവിഷ്‌കരിച്ച ഇ-വേ പദ്ധതിയില്‍ നിന്ന് പിന്മാറില്ല. ഫെബ്രുവരി പകുതിയോടെ പുനരാരംഭിക്കാനാണ് തീരുമാനം അതിന് മുന്‍പ് എല്ലാ പ്രശ്‌നങ്ങളും പരിഹരിക്കണമെന്ന് അദ്ദേഹം പറഞ്ഞു.