കൊല്ലം: വഴിയോരക്കച്ചവട തൊഴിലാളി ഫെഡറേഷന്‍(സി.ഐ.ടി.യു) ജില്ലാ കമ്മിറ്റി സംഘടിപ്പിക്കുന്ന വാഹന പ്രചരണജാഥയ്ക്ക് ഇന്നും നാളെയും വിവിധയിടങ്ങളിലായി സ്വീകരണം നല്‍കുമെന്ന് ജില്ലാ പ്രസിഡന്റ് എം സജീവ്, ജില്ലാ സെക്രട്ടറി ടി.എന്‍ ത്യാഗരാജന്‍,കെ ശ്രീകുമാര്‍,പി അന്‍സാര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. ഇന്നു രാവിലെ 9ന് അഞ്ചല്‍ മാര്‍ക്കറ്റ് ജങ്ഷനില്‍ സംസ്ഥാന ജനറല്‍ സെക്രട്ടറി ആര്‍.വി ഇക്ബാല്‍ ഉദ്ഘാടനം ചെയ്യും. സി.പി.എം സംസ്ഥാനസമിതിയംഗം കെ രാജഗോപാല്‍, സി.ഐ.ടി.യു ജില്ലാ ട്രഷറര്‍ എസ് ജയമോഹന്‍ എന്നിവര്‍ സംസാരിക്കും. നാളെ വൈകിട്ട് അഞ്ചിന് ചിന്നക്കടയില്‍ സമാപന സമ്മേളനം സി.ഐ.ടി.യു ജില്ലാ പ്രസിഡന്റ് ബി തുളസീധരക്കുറുപ്പ് ഉദ്ഘാടനം ചെയ്യും.