കുന്നത്തൂര്‍: ദക്ഷിണ ഭാരതത്തിലെ ഏക കര്‍ണക്ഷേത്രമായ കുന്നത്തൂര്‍ തോട്ടത്തുംമുറി കല്ലുമണ്‍ മലനടയിലെ മലക്കുടമഹോത്സവം ഇന്ന് നടക്കും. ഒന്നാം ഉത്സവമായ ഇന്നലെ തഴവ, കണ്ണമ്പളേത്ത് കുടുംബക്കാര്‍ പൂര്‍വ്വാചാരപ്രകാരം കുന്നത്തൂര്‍ കിഴക്ക് വെളുത്തശ്ശേരി ക്ഷേത്രത്തില്‍ നിന്നും കല്ലുമണ്‍ മലനടയിലേക്ക് നടത്തിയ തൃക്കൊടി സമര്‍പ്പണ ഘോഷയാത്ര ഭക്തി നിര്‍ഭരമായി. ഇന്ന് വൈകിട്ട് 4ന് മലക്കുടകെട്ടുകാഴ്ച, 6.30ന് ആകാശവിസ്മയം, രാത്രി 9ന് കുറത്തിയോട്ടം (ക്ഷേത്രകല), 11ന് സ്റ്റാര്‍വാര്‍ കോമഡിഷോ എന്നിവ നടക്കും.