കൊട്ടാരക്കര: വാട്ടര്‍ അതോറിറ്റി ഓഫിസ് വളപ്പിലെ മരം സമീപത്തെ ഇലക്ട്രിക് പോസ്റ്റിലേക്ക് ഒടിഞ്ഞു വീണു. ഇന്നലെ രാവിലെ 11 മണിക്കാണ് സംഭവം. ഓഫിസിലെ ചുറ്റുമതിലിനോട് ചേര്‍ന്ന് പൈപ്പുകള്‍ കൂട്ടിയിട്ടിരിക്കുന്നിടത്തെ പുളി വാക മരമാണ് ഒടിഞ്ഞു വീണത്. വിദ്യാനഗറില്‍  പണയില്‍ വീട്ടില്‍ നസീറിന്റെ വീടിന്റെ ഷെയ്ഡിലേക്കാണ് മരം വീണത്. തൊട്ടടുത്ത് ഉണ്ടായിരുന്ന ഇലക്ട്രിക് പോസ്റ്റും  മരംവീണ് തകര്‍ന്നിട്ടുണ്ട്.