കോഴിക്കോട്: കേരള സര്‍ക്കാരിന്റെ പത്രപ്രവര്‍ത്തകേതര പെന്‍ഷന്‍ തുക എണ്ണായിരം രൂപയായി വര്‍ധിപ്പിക്കണമെന്നാവശ്യപ്പെട്ട് നോണ്‍ ജേര്‍ണലിസ്റ്റ് പെന്‍ഷനേഴ്‌സ് യൂനിയന്‍ കേരള യോഗം ധനകാര്യമന്ത്രിക്ക് നിവേദനം നല്‍കി.
നിലവിലുള്ള പെന്‍ഷന്‍ പ്രശ്‌നങ്ങള്‍ പരിഹരിക്കുന്നതിന് എത്രയും വേഗം കാലഹരണപ്പെട്ട പെന്‍ഷന്‍ മാനേജിങ് കമ്മിറ്റി പുന:സ്ഥാപിക്കണമെന്നും നിവേദനത്തില്‍ ആവശ്യപ്പെട്ടു.
പ്രസിഡന്റ് ടി. കുഞ്ഞിരാമന്‍ അധ്യക്ഷനായി. സെക്രട്ടറി പി. ദിനകരന്‍, വൈസ് പ്രസിഡന്റ് ഇ.എം ഗോപാലന്‍, സി. അബൂബക്കര്‍, ടി.പി ഗംഗാധരന്‍, വിജയന്‍ കോമത്ത്, പി. വിജയകൃഷ്ണന്‍, ടി.വി വനജകുമാര്‍, എം. പ്രകാശന്‍ സംസാരിച്ചു.