പൂച്ചാക്കല്‍: നൂറുല്‍ ഹുദാ (കനിവ്) ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ പാണാവള്ളി പഞ്ചായത്ത് കമ്മ്യൂണിറ്റി ഹാളില്‍ സൗജന്യ നേത്ര ചികിത്സാ ക്യാംപ് നടത്തി.
ഒന്നാമത് വാര്‍ഷിക സമ്മേളനം എ.എം ആരിഫ് എം.എല്‍.എ ഉദ്ഘാടനം ചെയ്തു. പ്രസിഡന്റ് ഹസന്‍ കനി അധ്യക്ഷത വഹിച്ചു. തൈക്കാട്ടുശേരി ബ്ലോക്ക് പഞ്ചായത്ത് പ്രസിഡന്റ് നിര്‍മ്മലാ ശെല്‍വരാജ് ചികിത്സാ ക്യാംപ് ഉദ്ഘാടനം ചെയ്തു.
ജില്ലാ പഞ്ചായത്തംഗം പി.എം പ്രമോദ്, പാണാവള്ളി പഞ്ചായത്ത് പ്രസിഡന്റ് രാജേഷ് വിവേകാനന്ദ, മഹല്ല് പ്രസിഡന്റ് എം.ഇ.അബ്ദുല്‍സലാം, എസ് രാജേഷ്, നൗഷാദ് കൊച്ചുതറ, ഇജാസ്, പൂച്ചാക്കല്‍ ലാലന്‍, ഷീല കാര്‍ത്തികേയന്‍, ഷമീര്‍, ബി.ബാലാനന്ദന്‍, സാഹിര്‍ തുടങ്ങിയവര്‍ സംസാരിച്ചു.