ഗൂഡല്ലൂര്‍: ജി.ടി.എം.ഒ മുഹമ്മദ് അലി ശിഹാബ് തങ്ങള്‍ അറബിക് കോളജില്‍ സ്റ്റുഡന്‍സ് യൂനിയന്‍ പുറത്തിറക്കിയ മുഹമ്മദ് ഫൈസി ചിറ്റത്തുപാറ രചിച്ച 'റയ്യാന്‍ റംസാന്‍ നിലാവ്' എന്ന പുസ്തകത്തിന്റെ പ്രകാശനം പ്രസിഡന്റ് കെ.പി മുഹമ്മദ് ഹാജിയില്‍ നിന്നും ജന.സെക്രട്ടറി അബ്ദുല്‍ ബാരി ബാവ ഹാജി ഏറ്റുവാങ്ങി നിര്‍വഹിച്ചു.
വിവിധ ഭാഷകളിലായി വിദ്യാര്‍ഥികള്‍ പുറത്തിറക്കുന്ന അസ്സ്വദാ, മര്‍ജാന്‍, നബി നായകര്‍ എന്നീ മൂന്ന് കയ്യെഴുത്ത് മാഗസിനുകളുടെ പ്രകാശനവും നടത്തി. ഒ.കെ ഇമ്പിച്ചിക്കോയ തങ്ങള്‍ ഉല്‍ഘാടനം ചെയ്തു. കെ.പി മുഹമ്മദ് ഹാജി അധ്യക്ഷനായി.

കെ ബാപ്പുഹാജി, എ അലവിക്കുട്ടി ഹാജി, പി.കെ മുഹമ്മദ് ഹാജി, യു.എം.എസ് യൂസുഫ് ഹാജി, എസ് മുഹമ്മദ് അലി, ജെ ജാവിദ് സേഠ്, പി.കെ മുഹമ്മദ് അലി ബാഖവി, ഉസ്മാന്‍ ദാരിമി, മുജീബ് റഹ്മാന്‍ ഫൈസി മുണ്ടേരി, ഹാശിം വാഫി സംബന്ധിച്ചു. 40 കുട്ടികള്‍ക്ക് അടുത്ത അധ്യായന വര്‍ഷത്തേക്ക് പ്രവേശനം നല്‍കി. അബ്ദുല്‍ ബാരി ഹാജി സ്വാഗതവും മുഹമ്മദ് റഹ്മാനി നന്ദിയും പറഞ്ഞു.