പെരിന്തല്‍മണ്ണ: കെ.ജി.എം.ഒ.എ സംസ്ഥാന സമ്മേളനത്തോടനുബന്ധിച്ച് നടത്തിയ അമൃതകിരണം ക്വിസ്് ഫൈനല്‍ മത്സരത്തില്‍ കണ്ണൂര്‍ ജില്ലയിലെ രാജീവ് ഗാന്ധി മെമ്മോറിയല്‍ സ്‌കൂള്‍ വിദ്യാര്‍ഥികളായ കെ.സ്‌നിഗ്ധ, സിതാര, പ്രതീക്ഷ എന്നിവര്‍ ജേതാക്കളായി. ഹൈസ്‌കൂള്‍ വിദ്യാര്‍ഥികള്‍ക്കിടയില്‍ രോഗങ്ങളെയും രോഗ പ്രതിരോധ പ്രവര്‍ത്തനങ്ങളെയും കുറിച്ച് അവബോധം സൃഷ്ടിക്കുന്നതിനുമായാണ് മത്സരം സംഘടിപ്പിച്ചത്. ജില്ലാതലത്തില്‍ ഒന്നാം സ്ഥാനം നേടിയ ടീമുകളാണ് ഫൈനല്‍ മത്സരത്തില്‍ പങ്കെടുത്തത്. കോഴിക്കോട് ജില്ല രണ്ടാം സ്ഥാനവും തൃശൂര്‍ മൂന്നാം സ്ഥാനവും നേടി. കെ.ജി.എം.ഒ.എ മുന്‍ സംസ്ഥാന പ്രസിഡന്റ് ഡോ. പ്രസാദ് ഉദ്ഘാടനം ചെയ് തു.