തൊടുപുഴ:   മുതലക്കോടം ജയ്ഹിന്ദ് ലൈബ്രറിയുടെ നിയന്ത്രണത്തിലുള്ള സ്വാശ്രയ സംഘങ്ങളുടെ  വാര്‍ഷികം 'നിറവ്-2017' കവി കുരീപ്പുഴ ശ്രീകുമാര്‍ ഉദ്ഘാടനം  ചെയ്തു.  കൂട്ടായ്മയുടെ ഉത്സവങ്ങള്‍ കുറഞ്ഞുപോകുന്നതാണ് മനുഷ്യരില്‍  സ്‌നേഹത്തിന്റെ അംശം കുറഞ്ഞുപോകാന്‍ കാരണമെന്ന് അദ്ദേഹം പറഞ്ഞു.  മങ്ങാട്ടുകവലയില്‍  നിന്ന് ആരംഭിച്ച സാംസ്‌കാരിക ഘോഷയാത്ര തൊടുപുഴ പൊലിസ്  സര്‍ക്കിള്‍ ഇന്‍സ്‌പെക്ടര്‍ എന്‍ ജി ശ്രീമോന്‍ ഫ്‌ളാഗ് ഓഫ് ചെയ്തു.
അഡ്വ. ജോയ്‌സ്  ജോര്‍ജ് എംപി സംസാരിച്ചു. മുതലക്കോടം സെന്റ് ജോര്‍ജ് യുപി സ്‌കൂള്‍  ഗ്രൗïില്‍ ചേന്ന സാംസ്‌കാരിക സമ്മേളനത്തില്‍ ലൈബ്രറി പ്രസിഡന്റ് കെ. സി . സുരേന്ദ്രന്‍ അധ്യക്ഷനായി.
ലൈബ്രറി കൗണ്‍സില്‍ സ്‌റ്റേറ്റ് എക്‌സിക്യൂട്ടീവഗം  കെ എം ബാബു ഘോഷയാത്ര വിജയികള്‍ക്കുള്ള സമ്മാനദാനം നിര്‍വഹിച്ചു. ടി .എം.  സലിം, ജയകുമാര്‍ ചെങ്ങമനാട്, മുനിസിപ്പല്‍ കൗണ്‍സിലര്‍മാരായ അഡ്വ. സി. കെ. ജാഫര്‍, ഷേര്‍ളി ജയപ്രകാശ് എന്നിവര്‍  സംസാരിച്ചു.  ഷാജു പോള്‍ സ്വാഗതവും ജോസ് തോമസ് നന്ദിയും പറഞ്ഞു.  തുടര്‍ന്ന് കൊല്ലം അനശ്വര തിയറ്റേഴ്‌സ് 'ഒരു പകല്‍ പൂരം' എന്ന നാടകം  അവതരിപ്പിച്ചു.