മലയിന്‍കീഴ്: വിളപ്പില്‍ശാല കാരോട് മലപ്പനംകോട് മുള്ളുമല വിദ്യാ ഭവനില്‍ വസന്തയെ (63)വെട്ടിപ്പരുക്കേല്‍പ്പിച്ച കേസില്‍ കേസില്‍ മലപ്പനംകോട് ജോണ്‍ വിലാസത്തില്‍ ജോണിനെ (37) വിളപ്പില്‍ശാല പൊലിസ് അറസ്റ്റ് ചെയ്തു.
വസന്തയുടെ മുറുക്കാന്‍കടയ്ക്ക് സമീപം ചായക്കട നടത്തുന്ന യുവതിയെ ആക്രമിക്കുന്നത് തടയാനെത്തിയപ്പോഴാണ് പ്രതി വസന്തയെ വെട്ടിപ്പരുക്കേല്‍പ്പിച്ചതെന്ന് വിളപ്പില്‍ശാല പൊലിസ് പറഞ്ഞു. ഞായറാഴ്ച വൈകുന്നേരമായിരുന്നു സംഭവം. വസന്തയെ മെഡിക്കല്‍കോളേജ് ആശുപത്രിയില്‍ ചികിത്സയ്ക്ക് ശേഷം വിളപ്പില്‍ശാല ആശുപത്രിയിലേക്ക് മാറ്റിയിട്ടുണ്ട്. ഒളിവിലായിരുന്ന ജോണിനെ കുണ്ടാമൂഴിക്ക് സമീപത്തുനിന്നാണ് പൊലിസ് പിടികൂടിയത്.