മങ്കട: നാറാണത്ത് വളവില്‍ നിയന്ത്രണം വിട്ട ലോറി വീടും ബൈക്കുകളും ഇടിച്ചു തകര്‍ത്തു. രാമപുരത്തിനു സമീപം നാറാണത്തു വളവില്‍ ഇന്നലെ വൈകീട്ടാണ് അപകടം. അമിത വേഗത്തില്‍ വന്ന ലോറി കണ്ട് റോഡരികില്‍ നിന്ന ആളുകള്‍ ഓടി മാറിയതിനാല്‍ വന്‍ ദുരന്തം ഒഴിവായി. ദേശീയ പാതയില്‍ സ്ഥിരം അപകട മേഖലയാണ് നാറാണത്തു വളവ്. സുരക്ഷിതമായഡിവൈവറുകള്‍ സ്ഥാപിക്കണമെന്ന ആവശ്യം മുഖവിലക്ക് എടുക്കാന്‍ അധികൃതര്‍ തയ്യാറാകുന്നില്ലെന്ന് നാട്ടുകാര്‍ പരാതിപ്പെട്ടു. മങ്കട പൊലിസ് സ്ഥലത്തെത്തി.