ലക്‌നോ: ബി.ജെ.പിക്ക് നടുക്കം സമ്മാനിച്ച തെരഞ്ഞെടുപ്പ് വിജയത്തിന് ബി.എസ്.പി നേതാവ് മായാവതിക്ക് നന്ദി പറഞ്ഞ് സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്. തെരഞ്ഞെടുപ്പ് വിജയത്തിനു ശേഷം നടത്തിയ വാര്‍ത്താ സമ്മേളനത്തിലായിരുന്നു നന്ദി പ്രകടനം. ബി.എസ്.പിയുമായി സഖ്യമുണ്ടായിരുന്നെങ്കില്‍ 2017ല്‍ യോഗി സര്‍ക്കാര്‍ അധികാരത്തില്‍ വരുമായിരുന്നില്ലെന്ന് അഖിലേഷ് പറഞ്ഞു.

ബി.എസ്.പിയുമായി സഖ്യം തുടരുമെന്ന് അദ്ദേഹം വ്യക്തമാക്കി. കൈരാന ഉപതെരഞ്ഞെടുപ്പിലും ഒന്നിച്ചു നില്‍ക്കുമെന്ന് അദ്ദേഹം പ്രഖ്യാപിച്ചു. ബി.ജെ.പി എം.പി മരിച്ചതിനെ തുടര്‍ന്നാണ് കൈരാനയില്‍ തെരഞ്ഞെടുപ്പ് നടക്കുന്നത്.