തേഞ്ഞിപ്പലം: നിയന്ത്രണം വിട്ട പിക്കപ്പ് ലോറി വൈദ്യുതി തൂണിലിടിച്ച് പാടത്തേക്ക് മറിഞ്ഞു. മൂന്നിയൂര്‍ കുന്നത്തുപറമ്പിലെ പരപ്പനങ്ങാടി റോഡില്‍ അനന്തപാടത്താണ് അപകടം. ഇന്നലെ പുലര്‍ച്ചെ പരപ്പനങ്ങാടിയില്‍ നിന്നു ചെമ്മാട് ഭാഗത്തേക്ക് പച്ചക്കറിയുമായി പോകുകയായിരുന്ന ലോറിയാണ് അപകടത്തില്‍ പെട്ടത്. വാഹനത്തിലുണ്ടായിരുന്നവര്‍ നിസാര പരുക്കുകളോടെ രക്ഷപ്പെട്ടു. ഇടിയുടെ ആഘാതത്തില്‍ വൈദ്യുതി തൂണ്‍ തകര്‍ന്നു. .നിരന്തരം വാഹനങ്ങള്‍ മറിയുന്നിടമാണിവിടം.റോഡിന് വശത്ത് സുരക്ഷാ സംവിധാനം ഒരുക്കണമെന്നാവശ്യപ്പെട്ട് ഡി.വൈ.എഫ്.ഐ മൂന്നിയൂര്‍ ലോക്കല്‍ കമ്മിറ്റിയുടെ നേതൃത്വത്തില്‍ നേരത്തെ മനുഷ്യച്ചങ്ങല തീര്‍ത്തിരുന്നു. എന്നാല്‍ അധികൃതരുടെ ഭാഗത്തു നിന്നും ഇതുവരെ നടപടിയൊന്നുമുണ്ടായിട്ടില്ല.അപകടം പതിവായിട്ടും സുരക്ഷാഭിത്തി ഒരുക്കാത്തതില്‍ പ്രതിഷേധം ശക്തമായിട്ടുണ്ട്.