റിയാദ്: സഊദിയിലെ ഹാഇലില്‍ അറാറിനടുത്ത് ഉണ്ടായ വാഹനാപകടത്തില്‍ രണ്ടു മലയാളികള്‍ മരിച്ചു. റഹ്ഫബ ഹാഇല്‍ ഹൈവേയില്‍ ലീനക്കടുത്താണ് അപകടം നടന്നത്. പാലക്കാട് ഒലവക്കോട് സ്വദേശി തെക്കേപറമ്പില്‍ ശിഹാബുദ്ധീന്‍ (24), കൊല്ലം ചടയമംഗലം കലയം സ്വദേശി മഹേഷ് കുമാര്‍ (24) എന്നിവരാണ് മരിച്ചത്. കൂടെയുണ്ടായിരുന്ന സുഹൃത്ത് ആസിഫ് നിസാര പരുക്കുകളോടെ രക്ഷപ്പെട്ടു. 

ഡ്രൈവര്‍ ജോലി ചെയ്യുന്ന ഇവര്‍ തൊട്ടടുത്ത സിറ്റിയിലേക്ക് മൊബൈല്‍ വാങ്ങാന്‍ പോകുമ്പോള്‍ സഞ്ചരിച്ചിരുന്ന പിക്കപ്പ് വാനിന്റെ ടയര്‍ പൊട്ടി മറിഞ്ഞാണ് അപകടമുണ്ടായത്. ശിഹാബുദ്ധീന്‍ സംഭവ സ്ഥലത്ത് തന്നെ മരിച്ചു. മഹേഷ് ആശുപത്രിയില്‍ വെച്ചാണ് മരിച്ചത്. മൂവരും ഒന്നര വര്‍ഷമായി ഇവിടെ ജോലി ചെയ്തു വരികയാണ്.