വാടാനപ്പള്ളി: അടിപിടി കേസില്‍ ഉള്‍പ്പെട്ട് ഒളിവില്‍ കഴിഞ്ഞിരുന്ന പ്രതി 14 വര്‍ഷത്തിന് ശേഷം പൊലിസ് പിടിയില്‍. കുണ്ടലിയൂര്‍ ചന്ദ്രപുരക്കല്‍ കണ്ണനെ (34)യാണ് വാടാനപ്പള്ളി എസ്.ഐ.എം.കെ രമേഷിന്റെ നേതൃത്വത്തിലുള്ള പൊലിസ് അറസ്റ്റ് ചെയ്തത്.
2005ലാണ് സംഭവം. അക്രമിച്ച കേസില്‍ ഉള്‍പ്പെട്ട കണ്ണന്‍ പിന്നിട് വിദേശത്തേക്ക് പോയി. നാട്ടില്‍ എത്തിയ ശേഷം ഒളിവില്‍ കഴിയുകയായിരുന്നു. രഹസ്യവിവരത്തിന്റെ അടിസ്ഥാനത്തില്‍ വാടാനപ്പളളി സെന്ററില്‍ നിന്നാണ് കണ്ണനെ പിടികൂടിയത്.
അറസ്റ്റ് ചെയ്ത സംഘത്തില്‍ അഡിഷണല്‍ എസ്.ഐ സാദിഖലി, എ.എസ്.ഐ ഗോപി, പൊലിസുകാരായ അജയ്, അലി, സുനിഷ് എന്നിവരുമുണ്ടായിരുന്നു.