കരൂപ്പടന്ന: തെരുവ് നായ്ക്കള്‍ ആടുകളെ കൊന്ന് തിന്നു. നെടുങ്ങാണം കോവിലകത്ത് കുന്ന് പള്ളിക്ക് സമീപം കൈപ്പങ്ങാണി ഹംസയുടെ വീട്ടിലെ രണ്ട് വലിയ ആടുകളെയാണ് തെരുവ് നായ്ക്കള്‍ ആക്രമിച്ചു കൊന്ന് തിന്നത്. ബുധനാഴ്ച പുലര്‍ച്ചെ അഞ്ച് മണിയോടെയാണ് ആക്രമണം ഉണ്ടായത്. നായ്ക്കളുടെ കുരച്ചില്‍ കേട്ട് ഹംസയും ഭാര്യയും ലൈറ്റ് ഇട്ട് പുറത്തേക്ക് ഇറങ്ങിയപ്പോഴേക്കും നായ്ക്കള്‍ കൂട്ടിലുണ്ടായിരുന്ന ആടുകളെ കൊന്ന് പകുതിയോളം ഭക്ഷിച്ചിരുന്നു. രണ്ട് ആട്ടിന്‍ കുഞ്ഞുങ്ങള്‍ വീട്ടിനകത്തായിരുന്നതിനാല്‍ രക്ഷപ്പെട്ടു. രൂക്ഷമായ തെരുവ് നായ ശല്യം ഉണ്ടായിട്ടും അധികൃതര്‍ വേണ്ട നടപടി സ്വീകരിക്കുന്നില്ലെന്ന് നാട്ടുകാര്‍ പറഞ്ഞു.