കോഴിക്കോട്: പൈതൃകം, നവോത്ഥാനം എന്ന പ്രമേയത്തെ അടിസ്ഥാനമാക്കി 2019 മാര്‍ച്ച്, ഏപ്രില്‍ മാസങ്ങളില്‍ ആദര്‍ശ കാംപയിന്‍ നടത്താന്‍ സുന്നി യുവജനസംഘം സംസ്ഥാന എക്‌സിക്യൂട്ടീവ് കമ്മിറ്റി യോഗം തീരുമാനിച്ചു. അഹ്്‌ലുസുസ്സന്നത്തി വല്‍ജമാഅത്തിന്റെ ആശയാദര്‍ശങ്ങളില്‍ നിന്ന് വ്യതിചലിക്കുകയും സമൂഹത്തിനിടയില്‍ ശൈഥില്യം ഉണ്ടാക്കുകയും ചെയ്യുന്ന ഛിദ്രശക്തികളെ തുറന്നു കാട്ടുന്നതിനും യഥാര്‍ഥ പൈതൃകം പിന്‍പറ്റി ജീവിക്കാന്‍ ഉത്ബുദ്ധരാക്കുകയും ചെയ്യുക എന്നതാണ് കാംപയിനിലൂടെ ലക്ഷ്യമാക്കുന്നത്. 

സംസ്ഥാനതല ഉദ്ഘാടനം മാര്‍ച്ച് 2 ന് കാസര്‍കോട് വച്ച് നടത്താനും തീരുമാനിച്ചു. ജില്ലാതല ആദര്‍ശ ക്യാംപുകള്‍, മഹല്ല്തല സമ്മേളനങ്ങള്‍ എന്നിവ സംഘടിപ്പിക്കും. മാര്‍ച്ച്, ഏപ്രില്‍, മെയ് മാസങ്ങളില്‍ നടത്തുന്ന സുന്നി അഫ്കാര്‍ പ്രചാരണ കാംപയിന്‍ പരിപാടികള്‍ക്കും യോഗം അന്തിമ രൂപം നല്‍കി.
ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ അധ്യക്ഷനായി. ഉമര്‍ഫൈസി മുക്കം, കെ.മോയിന്‍കുട്ടി മാസ്റ്റര്‍, കെ.എ റഹ്്മാന്‍ ഫൈസി, ഇബ്രാഹിം ഫൈസി പേരാല്‍, അബൂബക്കര്‍ ബാഖവി മലയമ്മ, സയ്യിദ് സാബിഖ് അലി ശിഹാബ് തങ്ങള്‍, നാസര്‍ ഫൈസി കൂടത്തായി, ഹംസ റഹ്്മാനി കൊണ്ടിപ്പറമ്പ്, സലിം എടക്കര, എസ്.കെ ഹംസഹാജി, ഒ.എം ശരീഫ് ദാരിമി, ശരീഫ് ദാരിമി നീലഗിരി, ലത്തീഫ് ഹാബി ബംഗളൂരു, നിസാര്‍ പറമ്പന്‍ ആലപ്പുഴ, ഹസന്‍ ആലംകോട്, ഹസന്‍ സഖാഫി പൂക്കോട്ടൂര്‍, കെ.കെ.എസ് തങ്ങള്‍ വെട്ടിച്ചിറ, ബി.എസ്.കെ തങ്ങള്‍, കാടാമ്പുഴ മൂസ ഹാജി, ആനമങ്ങാട് മുഹമ്മദ്കുട്ടി ഫൈസി, കെ.എം കുട്ടി മൗലവി, അബ്ദുല്‍ ഖാദര്‍ ഫൈസി, സി.എച്ച് ത്വയ്യിബ് ഫൈസി (മലപ്പുറം), ടി.പി അബൂബക്കര്‍ മുസ്‌ലിയാര്‍ (പാലക്കാട്), എന്‍.കെ മുഹമ്മദ് ഫൈസി, സി.എം അബ്ദുറഹ്്മാന്‍കുട്ടി (എറണാകുളം), എ.കെ അബ്ദുല്‍ ബാഖി, കെ.പി കോയ, ഉസ്മാന്‍ ഹാജി എടച്ചേരി, സലാംഫൈസി മുക്കം (കോഴിക്കോട്), അബൂബക്കര്‍ (കാസര്‍കോട്), സലൂദ് നിസാമി, സി.കെ.കെ മാണിയൂര്‍, മൂസല്‍ ഫൈസി, അബ്ദുല്‍ കരീം മുസ്്‌ലിയാര്‍, പി.എസ് സുബൈര്‍ (ഇടുക്കി), കെ.മുഹമ്മദ് ഹസനി (വയനാട്), ഇബ്രാഹിം ബാഖവി കണ്ണൂര്‍ സംബന്ധിച്ചു. പിണങ്ങോട് അബൂബക്കര്‍ സ്വാഗതവും അബ്ദുല്‍ ഹമീദ് ഫൈസി അമ്പലക്കടവ് നന്ദിയും പറഞ്ഞു.