മുട്ടില്‍: മുട്ടില്‍-നെന്മേനി അല്‍ മദ്‌റസത്തുല്‍ ഫാത്വിമിയ കെട്ടിടോദ്ഘാടനവും പൊതു സമ്മേളനവും ഈമാസം 26ന് നടക്കും. പാണക്കാട് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. കോഴിക്കോട് ഫാത്വിമ ഹോസ്പിറ്റല്‍ എം.ഡി അബ്ദുല്ല മുഹമ്മദ് അധ്യക്ഷനാകും.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, ആനമങ്ങാട് അബൂബക്കര്‍ മുസ്‌ലിയാര്‍, ഇബ്രാഹീം ഫൈസി പേരാല്‍ തുടങ്ങിയവര്‍ സംബന്ധിക്കും.പരിപാടിയുടെ വിജയത്തിനായി 21 അംഗ സ്വാഗതസംഘം രൂപീകരിച്ചു. ഭാരവാഹികളായി എസ്.വി സലീം (ചെയര്‍), കാരാടന്‍ അബൂബക്കര്‍ (വൈ.ചെയര്‍), എ.എം അഹ്ബാര്‍ (കണ്‍), സക്കീര്‍ (ജോ.കണ്‍) എന്നിവരെ തിരഞ്ഞെടുത്തു. യോഗത്തില്‍ മഹല്ല് ഖാസി ബദറുദ്ദീന്‍ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി. മഹല്ല് പ്രസിഡന്റ് മുഹമ്മദ്കുട്ടി അധ്യക്ഷനായി. നാസര്‍ മൗലവി, അസീസ് ബാഖവി സംസാരിച്ചു.