റിയാദ്: അന്ധര്‍ക്കും കാഴ്ച്ച ശക്തി കുറഞ്ഞവര്‍ക്കും അനായാസം വായിച്ചെടുക്കാന്‍ സാധിക്കുന്ന ഭാഷ വികസിപ്പിച്ച സഊദി വിദ്യാര്‍ഥിനി ശ്രദ്ധേയമാകുന്നു. ദഹ്‌റാനിലെ ത്വല അബുന്നജയെന്ന സെക്കണ്ടറി വിദ്യാര്‍ഥിനിയാണ് ഭാഷയ്ക്ക് പിന്നില്‍ പ്രവര്‍ത്തിച്ചത്.

ബ്രയില്‍ ലിപിയില്‍ പോലും വായന ഏറെ പ്രയാസപ്പെടുന്ന അന്ധര്‍ക്ക് വളരെ എളുപ്പത്തില്‍ ഉപയോഗിക്കാന്‍ കഴിയുന്നതാണ് പുതിയ ഭാഷയെന്നതാണ് ഏറെ ശ്രദ്ധേയം. അറബി ഭാഷയിലെ 28 അക്ഷരങ്ങള്‍ ഉപയോഗിച്ച് അതുകൊണ്ട പ്രത്യേകം രൂപം നല്‍കിയ ലിപിയാണ് ഉപയോഗിച്ചിരിക്കുന്നത്.

അക്ഷരങ്ങളെ മൂന്നു ഗ്രൂപ്പുകളാക്കിയും ഒരു ഗ്രൂപ്പിനും പ്രേത്യകം പാറ്റേണുകള്‍ നല്‍കിയും അന്ധര്‍ക്ക് അനായാസം വായിച്ചെടുക്കനാവുന്ന രീതിയിലാണ് ആവിഷ്‌കരിച്ചിരിക്കുന്നത്. അന്ധമാര്‍ക്കുള്ള തന്റെ പുതിയ ഭാഷക്ക് ഇന്റര്‍നാഷണല്‍ സോഷ്യല്‍ ആന്‍ഡ് ബിഹേവിയറല്‍ സയന്‍സിന്റെ മൂന്നാം സ്ഥാനവും തേടിയെത്തിയിട്ടുണ്ട്.

കൂടാതെ അമേരിക്കന്‍ സൈക്കോളജിക്കല്‍ അസോസിയേഷന്റെ പ്രത്യേക പുരസ്‌കാരവും തേടിയെത്തിയതും അംഗീകാരമായാണ് വിദ്യാര്‍ഥിനി കാണുന്നത്. ബ്രയില്‍ ലിബിയയില്‍ തന്റെ അന്ധനായ ഒരു കൂട്ടുകാരി വായനയില്‍ പ്രയാസപ്പെടുന്നത് ശ്രദ്ധയില്‍ പെട്ടതോടെയാണ് പുതിയ ആശയത്തിന് ത്വല അബുന്നജ ആലോചന തുടങ്ങുന്നത്. തുടര്‍ന്നാണ് സ്വന്തമായി അന്ധരുടെ വായനാ പ്രയാസം മാറ്റുന്ന ഭാഷക്ക് വേണ്ടിയുള്ള ഗവേഷണം തുടങ്ങിയതും ഒടുവില്‍ വിജയം കണ്ടതും.