ന്യൂഡല്‍ഹി: രണ്ടാം ഘട്ട ലോക്കഡൗണിന്‍രെ മാര്‍ഗനിര്‍ദ്ദേശങ്ങള്‍ കേന്ദ്രം പുറപ്പെടുവിച്ചു.
ഇത് സംബന്ധിച്ച് ചീഫ് സെക്രട്ടറിമാര്‍ക്ക് കേന്ദ്രസര്‍ക്കാര്‍ കത്തയച്ചു. നിയന്ത്രണങ്ങളില്‍ സംസ്ഥാനങ്ങള്‍ക്ക് അമിത ഇളവ് നല്‍കില്ലെന്ന് കേന്ദ്രം അറിയിക്കുന്നു.

സര്‍ക്കാര്‍ ഒഫീസുകള്‍ അടഞ്ഞുതന്നെ കിടക്കും. പൊതുഗതാഗതത്തിന് അനുമതിയില്ല. വ്യവസായ ശാലകളും അടച്ചിടണം. ആരാധനാലയങ്ങളും വിദ്യാഭ്യാസ സ്ഥാപനങ്ങളും തുറക്കരുത്.

അതേസമയം, അവശ്യ സാധനങ്ങള്‍ ലഭിക്കുന്ന സ്ഥാപനങ്ങള്‍ തുറക്കാം. റേഷന്‍, പാല്‍, മറ്റ് ഭക്ഷ്യവസ്തുക്കള്‍, എ.ടി.എം, ഐ.ടി സേവനങ്ങള്‍, ബാങ്കുകള്‍, മാധ്യമങ്ങള്‍ എന്നിവക്കുള്ള ഇളവുകളും തുടരും. എന്നാല്‍ ജനങ്ങള്‍ പുറത്തിറങ്ങുന്നത് നിയന്ത്രിക്കും.