ടോം ജോസ് ചീഫ് സെക്രട്ടറി ആയേക്കും
തിരുവനന്തപുരം: അഡീഷനല് ചീഫ് സെക്രട്ടറി ടോം ജോസ് അടുത്ത ചീഫ് സെക്രട്ടറി ആയേക്കും. ചീഫ് സെക്രട്ടറി പോള് ആന്റണി ഈ 30ന് വിരമിക്കുന്ന ഒഴിവിലേക്കാണ് ടോം ജോസ് വരിക. കേന്ദ്ര സര്വിസില് സെക്രട്ടറിമാരും കേരള കേഡര് ഐ.എ.എസ് ഉദ്യോഗസ്ഥരുമായ എ.കെ ദുബെ, അരുണ സുന്ദര്രാജ് എന്നിവര് തിരിച്ചുവരാത്തതിനെ തുടര്ന്നാണ് പോള് ആന്റണി ചീഫ് സെക്രട്ടറിയായത്.
എ.കെ ദുബെ അടുത്ത ജനുവരിയിലും അരുണ സുന്ദര്രാജ് അടുത്ത വര്ഷം ജൂലൈയിലുമാണ് വിരമിക്കുക. 2021 ഓഗസ്റ്റ് വരെ സര്വിസുള്ള ആനന്ദ്കുമാറാണ് പോള് ആന്റണി കഴിഞ്ഞാല് സീനിയര്. ഇദ്ദേഹവും കേന്ദ്രത്തില് സെക്രട്ടിയാണ്. മൂവരും കേരളത്തിലേക്ക് മടങ്ങാനിടയില്ല. ഇതേ തുടര്ന്നാണ് നിലവില് സീനിയറായ ടോം ജോസ് ചീഫ് സെക്രട്ടറിയാകുക. 2020 മേയ് 31 വരെ ടോം ജോസിന് സര്വിസുണ്ട്. പോള് ആന്റണി വിരമിക്കുന്നതോടെ ചീഫ് ഇലക്ട്രല് ഓഫിസര് ടിക്കാറാം മീണ അഡീഷനല് ചീഫ് സെക്രട്ടറിയാകും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."