കാസര്‍കോട്: സമസ്ത സീനിയര്‍ ഉപാധ്യക്ഷനായിരുന്ന സി.എം അബ്ദുല്ല മൗലവിയുടെ കൊലപാതക കേസുമായി ബന്ധപ്പെട്ട് സമസ്ത സമരവുമായി മുന്നോട്ടു പോകുമെന്ന് എസ്.വൈ.എസ് സംസ്ഥാന വര്‍ക്കിങ് സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് പറഞ്ഞു. ഇതിന്റെ ഭാഗമായാണ് 10ന് കോഴിക്കോട് മുതലക്കുളം മൈതാനിയില്‍ പ്രതിഷേധ സംഗമം സംഘടിപ്പിച്ചിട്ടുള്ളെതന്നും അദ്ദേഹം പറഞ്ഞു. അബ്ദുല്ല മൗലവിയുടെ കുടുംബവും ജനകീയ ആക്ഷന്‍ കമ്മിറ്റിയും സംയുക്തമായി നടത്തി വരുന്ന അനിശ്ചിതകാല സമരപ്പന്തല്‍ സന്ദര്‍ശിച്ചു ഇന്നലത്തെ ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ചടങ്ങില്‍ അബ്ദുല്‍ ഖാദര്‍ സഅദി അധ്യക്ഷനായി. താജുദ്ധീന്‍ ദാരിമി, ഹാരിസ് ദാരിമി, മുശ്താഖ് ദാരിമി, ഇബ്രാഹിം ഫൈസി ജെഡിയാര്‍, അബൂബക്കര്‍ ഉദുമ , ഉബൈദുല്ല കടവത്ത് സംസാരിച്ചു.