നല്ലേപ്പിള്ളി : പാലക്കാട് നല്ലേപ്പിള്ളി സ്‌കൂളില്‍ ക്രിസ്മസ് ആഘോഷം തടയാന്‍ ശ്രമിച്ച ജില്ലാ ഭാരവാഹി ഉള്‍പ്പെടെ മൂന്നു വിശ്വഹിന്ദു പരിഷത്ത് നേതാക്കള്‍ അറസ്റ്റില്‍. വിശ്വഹിന്ദുപരിഷത്ത് ജില്ലാസെക്രട്ടറി നല്ലേപ്പിള്ളി വടക്കന്തറ കെ. അനില്‍കുമാര്‍ (52), ബജരംഗ്ദള്‍ ജില്ലാ സംയോജക് തെക്കേദേശം കറുത്തേടത്തുകളം വി. സുശാസനന്‍ (52), വിശ്വഹിന്ദുപരിഷത്ത് പഞ്ചായത്ത് കമ്മിറ്റി പ്രസിഡന്റ് തെക്കുമുറി കെ. വേലായുധന്‍ (58) എന്നിവരെയാണ് ശനിയാഴ്ച ചിറ്റൂര്‍ പൊലിസ് അറസ്റ്റുചെയ്തത്. ഇവര്‍ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്. മതസ്പര്‍ധ വളര്‍ത്തല്‍, അതിക്രമിച്ചു കയറല്‍, ഭീഷണിപ്പെടുത്തല്‍ തുടങ്ങിയ വകുപ്പുകളാണ് ചുമത്തിയിരിക്കുന്നത്.  

വെള്ളിയാഴ്ച ഉച്ചയോടെയാണ് സംഭവം. നല്ലേപ്പിള്ളി ഗവ. യു.പി. സ്‌കൂളില്‍ ക്രിസ്മസ് ആഘോഷം നടക്കുന്നതിനിടെ സ്‌കൂളിലെത്തിയ മൂവര്‍സംഘം ആഗോഷം തടയുകയും അധ്യാപകരെ ചോദ്യം ചെയ്യുകയുമായിരുന്നു. ക്രസ്മസ് അല്ല ശ്രീകൃഷ്ണ ജയന്തിയാണ് ആഘോഷിക്കേണ്ടത് എന്നൊക്കെ പറഞ്ഞായിരുന്നു ഇവരുടെ ഇടപെടല്‍. 

അധ്യാപകരുടെയും വിദ്യാര്‍ഥികളുടെയും വസ്ത്രധാരണത്തെ ചോദ്യം ചെയ്‌തെന്നും വിദ്യാര്‍ഥികളുടെമുന്‍പില്‍വെച്ച് അധ്യാപകരെ അസഭ്യം പറഞ്ഞെന്നും സ്‌കൂളധികൃതര്‍ ചിറ്റൂര്‍ പൊലിസിനുനല്‍കിയ പരാതിയില്‍ പറയുന്നു. 

ചിറ്റൂര്‍ കോടതിയില്‍ ഹാജരാക്കിയ പ്രതികളെ റിമാന്‍ഡ്‌ചെയ്ത് ചിറ്റൂര്‍ സബ്ജയിലിലേക്ക് മാറ്റി.

In Palakkad, Kerala, three leaders from the Vishva Hindu Parishad (VHP) were arrested for attempting to disrupt a Christmas celebration at a school in Nallepilly.