ഇരിട്ടി: ദേശീയ ചുമട്ടു തൊഴിലാളി യൂനിയന്‍ (ഐ.എന്‍.ടി.യു.സി) ഇരിട്ടി ഡിവിഷന്‍ കുടുംബ സംഗമവും സമ്മേളനവും നടത്തി. ഇരിട്ടി ഫാല്‍ക്കണ്‍ പ്ലാസ ഓഡിറ്റോറിയത്തില്‍ നടന്ന പരിപാടി അഡ്വ. സണ്ണി ജോസഫ് എം.എല്‍.എ ഉദ്ഘാടനം ചെയ്തു.
ജോലിയില്‍ നിന്ന് വിരമിച്ച ചുമട്ടുതൊഴിലാളികളെ ആദരിക്കല്‍ ഐ.എന്‍.ടി.യു.സി ജില്ലാ പ്രസിഡന്റ് വി.വി ശശീന്ദ്രനും പഴയകാല കോണ്‍ഗ്രസ് പ്രവര്‍ത്തകരെ ആദരിക്കല്‍ യു.ഡി.എഫ് ജില്ലാ ചെയര്‍മാന്‍ പ്രഫ. എ.ഡി മുസ്തഫയും കലാപ്രതിഭകളെ അനുമോദിക്കല്‍ ചുമട്ടു തൊഴിലാളി യൂനിയന്‍ (ഐ.എന്‍.ടി.യു.സി)ജില്ലാ പ്രസിഡന്റ് കെ.വി രാഘവനും സുവനീര്‍ പ്രകാശനം കെ.പി.സി.സി ജനറല്‍ സെക്രട്ടറി അഡ്വ.സജീവ് ജോസഫ് നിര്‍വഹിച്ചു. ഐ.എന്‍.ടി.യു.സി അഖിലേന്ത്യാ സെക്രട്ടറി കെ സുരേന്ദ്രന്‍ മുഖ്യപ്രഭാഷണം നടത്തി. ചടങ്ങില്‍ ഡിവിഷന്‍ കമ്മിറ്റി പ്രസിഡന്റ് കെ ഇബ്രാഹിം ഹാജി അധ്യക്ഷനായി. പി.വി നാരായണന്‍കുട്ടി, കെ പ്രകാശന്‍, പി ജനാര്‍ദ്ദനന്‍, കെ.പി പ്രഭാകരന്‍, ചന്ദ്രന്‍ തില്ലങ്കേരി, പി.കെ ജനാര്‍ദ്ദനന്‍, എം.ജെ ജോണ്‍, പടിയൂര്‍ ദാമോദരന്‍, ബോബി തോലാനി, ജെയ്‌സണ്‍ കാരക്കാട്ട്, പി.എ നസീര്‍, പി.വി മോഹനന്‍, കെ സുമേഷ്‌കുമാര്‍, ഐ.കെ വിജയരാഘവന്‍ സംസാരിച്ചു.