ബ്രസ്സല്‍സ്: കൊവിഡ് മഹാമാരി വ്യാപനത്തെത്തുടര്‍ന്ന് അടച്ച രാജ്യാന്തര അതിര്‍ത്തികള്‍ ഈ മാസം അവസാനത്തോടെ തുറക്കാന്‍ യൂറോപ്യന്‍ രാജ്യങ്ങള്‍. 

ജൂണ്‍ അവസാനത്തോടെ രാജ്യാന്തര അതിര്‍ത്തികള്‍ തുറക്കുമെന്ന് യുറോപ്യന്‍ യൂനിയന്‍ ആഭ്യന്തര കാര്യ കമ്മീഷനര്‍ യില്‍വാ ജൊഹാന്‍സന്‍ അറിയിച്ചു. 

അംഗരാജ്യങ്ങളില്‍ നിന്നുള്ള മന്ത്രിമാരുമായി കൂടിക്കാഴ്ച നടത്തുന്നതിനു മുന്‍പാണ് ഇവര്‍ ഇക്കാര്യം അറിയിച്ചത്. 

ചില യൂറോപ്യന്‍ രാജ്യങ്ങള്‍ അതിര്‍ത്തി തുറന്നെങ്കിലും ഭൂരിഭാഗം അതിര്‍ത്തികളും അടഞ്ഞു കിടക്കുകയാണ്. ഇംഗ്ലണ്ടില്‍ ഈ മാസം 15 വരെ മാസ്‌ക് ധരിക്കല്‍ നിര്‍ബന്ധമാണ്. സ്‌പെയിനില്‍ ജൂലൈ ഒന്നുമുതല്‍ വിനോദ സഞ്ചാരികള്‍ക്ക ്പ്രവേശനം നല്‍കും. 

ഈ മാസം 22ന് അതിര്‍ത്തികള്‍ പൂര്‍ണമായും തുറന്നുകൊടുക്കുമെന്നു വിനോദ സഞ്ചാര വകുപ്പ് മന്ത്രി അറിയിച്ചു. സ്‌പെയിനില്‍ ഇതു വരെ 28000ത്തോളം മരണമാണ് റിപ്പോര്‍ട്ട് ചെയ്യപ്പെട്ടത്.