തൊടുപുഴ: മുതലക്കോടം സെന്റ് ജോര്‍ജ് ഫൊറോന പള്ളി തിരുനാള്‍ 21 മുതല്‍ 24വരെ വിവിധ പരിപാടികളോടെ ആഘോഷിക്കുമെന്ന് പള്ളി വികാരി ഫാ. ജോസഫ് അടപ്പൂര്‍ വാര്‍ത്താസമ്മേളനത്തില്‍ പറഞ്ഞു.
തിരുനാളിന് തുടക്കം കുറിച്ച് 21ന് രാവിലെ 7.15ന് കോതമംഗലം രൂപതാ ജനറാള്‍ മോണ്‍. ജോര്‍ജ് കാര്യാമഠം കൊടിയേറ്റും. 22ന് ഇടവകയിലെ കുട്ടികളുടെ പ്രഥമ ദിവ്യകാരുണ്യ സ്വീകരണത്തിന് കോതമംഗലം രൂപതാധ്യക്ഷന്‍ ജോര്‍ജ് മഠത്തിക്കണ്ടത്തില്‍ മുഖ്യകാര്‍മികത്വം വഹിക്കും.
വൈകിട്ട് അഞ്ചിന് പഴുക്കാകുളം പന്തലില്‍നിന്ന് മുതലക്കോടം പള്ളിയിലേക്ക് പ്രദക്ഷിണം. 23ന് വൈകിട്ട് 4.30ന് ഫാ. ജോര്‍ജ് കാട്ടൂര്‍ തിരുനാള്‍ കുര്‍ബാന അര്‍പ്പിക്കും. തുടര്‍ന്ന് മങ്ങാട്ടുകവല കപ്പേളയിലേക്ക് പ്രദക്ഷിണം. 24ന് രാവിലെ ആറ് മുതല്‍ തുടര്‍ച്ചയായി കുര്‍ബാന.
രാവിലെ 10ന് ഫരീദാബാദ് രൂപതാധ്യക്ഷന്‍ മാര്‍ കുര്യാക്കോസ് ഭരണിക്കുളങ്ങര പൊന്തിഫിക്കല്‍ കുര്‍ബാന അര്‍പ്പിക്കും.
തുടര്‍ന്ന് കിഴക്കേ പന്തലിലേക്ക് പ്രദക്ഷിണം. മെയ് ഒന്നിന് എട്ടാമിടം.
മെയ് 13ന് വൈകിട് 3.30ന് പാരീഷ് ഹാളില്‍ ഇടവകദിനാചരണം നടത്തും. കാരുണ്യ വര്‍ഷത്തോടനുബന്ധിച്ച് നിര്‍മിച്ച 11 വീടുകളുടെ താക്കോല്‍ദാനവും നിര്‍വഹിക്കും.
വാര്‍ത്താസമ്മേളനത്തില്‍ മാത്യു കൊച്ചുപറമ്പില്‍, തോമസ് വേണ്ടാനത്ത്, ജോണ്‍ തുറയ്ക്കല്‍, ജോസ് മഞ്ചപ്പിള്ളില്‍ പങ്കെടുത്തു.