ശ്രീനഗര്‍: കന്നുകാലി മോഷ്ടാക്കളാണെന്ന് ആരോപിച്ച് കശ്മിരില്‍ നാടോടി കുടുംബത്ത 200പേര്‍വരുന്ന ഗോ സംരക്ഷകര്‍ ക്രൂരമായി മര്‍ദിച്ചു. 

റിയാസി ജില്ലയിലെ തല്‍വാരയില്‍ വച്ചാണ് അക്രമി സംഘം ഒന്‍പത് വയസുകാരിയുള്‍പ്പെടെ അഞ്ചുപേരെ മര്‍ദിച്ചതെന്ന് പൊലിസ് സൂപ്രണ്ട് താഹിര്‍ സജ്ജാദ് ഭട്ട് അറിയിച്ചു.
കന്നുകാലികള്‍, ആട്, ചെമ്മരിയാട് എന്നിവയുമായി പോകുമ്പോഴാണ് മോഷണം ആരോപിച്ച് മര്‍ദനം അഴിച്ചുവിട്ടത്. നിരവധി നാടോടി കുടുംബങ്ങള്‍ പതിവായി തങ്ങളുടെ വളര്‍ത്തു മൃഗങ്ങളുമായി അതിര്‍ത്തി ഗ്രാമങ്ങളില്‍ എത്താറുണ്ട്. അക്രമി സംഘം ഇവരുടെ കന്നുകാലികളെയും ആടുകളെയും മോഷ്ടിച്ചുകൊണ്ടുപോയതായും പൊലിസ് അറിയിച്ചു.
സംഭവത്തില്‍ പൊലിസ് കേസെടുത്ത് അന്വേഷണം തുടങ്ങിയിട്ടുണ്ട്. നാടോടി കുടുംബത്തെ അക്രമിച്ചുവെന്ന് സംശയിക്കുന്ന ചിലരെ കസ്റ്റഡിയിലെടുത്തതായി പൊലിസ് അറിയിച്ചു.