പുതുക്കാട്: മുപ്ലിയം റോഡില്‍ ചെങ്ങാലൂര്‍ ശാന്തിനഗറിനു സമീപം കലുങ്ക്പാലത്തില്‍ ഗര്‍ത്തം രൂപപ്പെട്ടത് ആശങ്കക്കിടയാക്കി. ബസുകള്‍ ഉള്‍പ്പെടെ നിരവധി വാഹനങ്ങള്‍ കടന്നുപോകുന്ന റോഡിലാണ് ഗര്‍ത്തം ഉണ്ടായിരിക്കുന്നത്.  പാലത്തില്‍ രൂപപ്പെട്ട കുഴിയില്‍ നാട്ടുകാര്‍ ഇപ്പോള്‍ അപകട മുന്നറിയിപ്പായി പച്ചിലതണ്ടുകള്‍ കുത്തിവെച്ചിരിക്കുകയാണ്. ഇന്നലെ രാവിലെ രൂപപ്പെട്ട ചെറിയ കുഴി വൈകിട്ടോടെ വ്യാസം കൂടിയിട്ടുണ്ട്. എത്രയും വേഗം അപകടസാധ്യത ഒഴിവാക്കണമെന്ന് നാട്ടുകാര്‍ ആവശ്യപ്പെട്ടു.