എടവണ്ണപ്പാറ: വേനല്‍ മഴയിലും കാറ്റിലും ചീക്കോട്, വാഴക്കാട് പഞ്ചായത്തുകളിലായി ലക്ഷക്കണക്കിനു രൂപയുടെ നഷ്ടടമാണ് കൃഷിക്കാര്‍ നേരിടേണ്ടിവന്നത്. ചീക്കോട് പഞ്ചായത്തില്‍ മാത്രമായി ഒരു ലക്ഷത്തോളം കുലച്ച വാഴകള്‍ നശിച്ചതായി കൃഷി ഓഫിസര്‍ അറിയിച്ചു.
വാവൂര്‍, കൊളംബലം, മുണ്ടക്കല്‍, കുനിത്തലക്കടവ്, ഓമാനൂര്‍ പ്രദേശങ്ങളിലെ നൂറ്റിമുപ്പതോളം കര്‍ഷകര്‍ക്കാണ് നഷ്ടടം നേരിട്ടത്. വിപണന മൂല്യം കണക്കാക്കുമ്പോള്‍ ഒരു കോടി രൂപയുടെ നഷ്ട്ടമാണ് ചീക്കോട് പഞ്ചായത്തില്‍ മാത്രം കണക്കാക്കുന്നത്. വാഴക്കാട് പഞ്ചായത്തിലെ വാഴക്കാട്, വട്ടപ്പാറ, മപ്രം, നൂഞ്ഞിക്കര പ്രദേശങ്ങളിലെ വാഴകളും നിലംപൊത്തിയിട്ടുണ്ട്.