ആലപ്പുഴ: കരുവാറ്റ സര്‍വീസ് സഹകരണ ബാങ്കില്‍ വന്‍കവര്‍ച്ച. നാലര കിലോ സ്വര്‍ണവും നാലു ലക്ഷം രൂപയും മോഷണം പോയി.

നാല് ദിവസത്തെ അവധിയ്ക്ക് ശേഷം ഇന്ന് സൊസൈറ്റി തുറന്നപ്പോഴാണ് കവര്‍ച്ച നടന്നതായി അറിഞ്ഞത്. പൊലിസ് സ്ഥലത്തെത്തി അന്വേഷണം ആരംഭിച്ചു.

ഗ്യാസ് കട്ടര്‍ ഉപയോഗിച്ചാണ് സ്വര്‍ണവും പണവും സൂക്ഷിച്ചിരുന്ന ലോക്കറുകള്‍ തകര്‍ത്തത്. ബാങ്കിലെ സിസിടിവി ക്യാമറകളുടെ ഹാര്‍ഡ് ഡിസ്‌ക്കും മോഷണം പോയിട്ടുണ്ട്. നിലവില്‍ ബാങ്കിന് സമീപത്തെ സി.സി.ടി.വി ദൃശ്യങ്ങള്‍ പരിശോധിച്ചുവരികയാണ്.