പാലക്കാട് : നെന്മാറ വനം ഡിവിഷന്റെ കീഴിലുള്ളതും പറമ്പികുളത്തിനുംനെല്ലിയാംപതിക്കും ഇടയിലുമായി സ്ഥിതി ചെയ്യുന്ന ഉറവന്‍പാടി ആദിവാസി കോളനിയിലെ 22 ആദിവാസി കുടുംബങ്ങളിലായി താമസിക്കുന്നഎണ്‍പതോളം ആദിവാസികള്‍ ഒരാഴ്ചയായി പട്ടിണിയിലാണ്.
രണ്ടു ഭാഗത്തുമായി പത്തോളം സ്ഥലങ്ങളില്‍ ഉരുള്‍പൊട്ടിയതോടെ ഇവര്‍ക്കാര്‍ക്കും പുറം ലോകവുമായി ബന്ധപ്പെടാന്‍ പറ്റാത്ത അവസ്ഥയിലാണ്. റോഡുകള്‍ ഒലിച്ചു പോയതിനാല്‍ തേക്കടിയിലെ റേഷന്‍ കടയിലെത്തി സാധനങ്ങള്‍ വാങ്ങാന്‍ പറ്റാത്ത അവസ്ഥയിലാണിപ്പോള്‍.
കഴിഞ്ഞാഴ്ച കൊല്ലങ്കോട് വനംവകുപ്പ് ഉദ്യോഗസ്ഥരുടെ നേതൃത്വത്തില്‍ അരിയും പലചരക്കു സാധനങ്ങളും കൊണ്ട്‌പോയി കൊടുത്തുവെങ്കിലും അതെല്ലാം കഴിയാറായതായി ഇവിടത്തുകാര്‍ പറയുന്നു. നെല്ലിയാമ്പതിയില്‍ നിന്നും 35 കിലോമീറ്റര്‍ അകലെയായി സ്ഥിതിചെയ്യുന്ന കോളനിയിലുളളവര്‍ക്ക് വല്ല രോഗവും പിടിപെട്ടാല്‍ ഇപ്പോള്‍, ആശുപത്രിയില്‍ എത്തിക്കാന്‍പറ്റാത്ത അവസ്ഥയുമുണ്ട്.
നെല്ലിയാമ്പതിയില്‍ നിന്നുആനമട പെരിയച്ചോല വഴിയും, തമിഴ്‌നാട്ടിലെ സേത്തുമട തേക്കടി മുപ്പതേക്കര്‍ വഴിയും ഇവിടേക്ക് എത്താന്‍കഴിയുകയില്ല.
ഈ രണ്ടു വഴികളിലുമായി പത്തോളം സ്ഥലങ്ങളില്‍ ഉരുള്‍പൊട്ടി റോഡ്മുഴുവന്‍ കുഴിയായി കിടക്കുകയാണ്. കാല്‍നടപോലും പ്രയാസമാണ്. ഇതിനു പുറമെ, മുപ്പതേക്കറില്‍ നിന്നും ഇവിടേക്ക് പത്തു കിലോമീറ്റര്‍ ദൂരമുണ്ട്. ഇതിനിടയില്‍ തേക്കടി പുഴയിലെ ചപ്പാത്തു് മഴയില്‍ ഒലിച്ചു പോയതിനാല്‍ പുഴയിലിറങ്ങി പോകാനുംകഴിയാത്ത അവസ്ഥയിലാണ്.
വനത്തിനകത്തു കൂടി പോകേണ്ടുന്നതിനാല്‍ വനംവകുപ്പിന്റെ അനുമതി വേണം. പല ഭാഗത്തും ഉരുള്‍പൊട്ടിയ പാറക്കല്ലുകള്‍നീക്കാതെ കിടക്കുന്നതിനാല്‍ കോളനിയിലെ ജനങ്ങള്‍ക്ക് പുറംലോകവുമായുള്ള ബന്ധപ്പെടാന്‍കഴിയാത്ത സ്ഥിതിയാണ് കനത്ത മഴയില്‍ ഇവിടെയുള്ള വീടുകള്‍ പലതും പൊളിഞ്ഞു. ഒരു എസ്റ്റേറ്റിനകത്തുള്ള സ്ഥലമായതിനാല്‍ ഇവര്‍ താമസിക്കുന്ന സ്ഥലത്തിന് പട്ടയം നല്‍കാന്‍ കഴിഞ്ഞിട്ടില്ല.
കൊല്ലങ്കോട് ബ്ലോക്കില്‍ നിന്നും പ്രധാനമന്ത്രിയുടെ ഭവനപദ്ധതിയില്‍ വീട് വെക്കാന്‍ എല്ലാകുടുംബത്തിനും അനുമതി ലഭിച്ചിട്ടുണ്ടെങ്കിലും, എസ്സ്‌റ്റേറ്റ്്ഉടമയുമായി വനം വകുപ്പ് സുപ്രീം കോടതിയില്‍ കേസ് നടക്കുന്നതിനാല്‍ഇവര്‍ക്കു സ്ഥലം നല്‍കാന്‍തയാറായിട്ടില്ല. ഇപ്പോള്‍ ഇവര്‍ക്ക് വീടുണ്ടാക്കാന്‍ അനുമതി നല്‍കിയ ഫണ്ട് ഇല്ലാതാവുമെന്ന അവസ്ഥയിലുമാണ്.മുപ്പതേക്കര്‍ കോളനിയില്‍ നിന്നും ഇവിടേക്കുള്ള റോഡ് നന്നാക്കാന്‍ ജില്ലാകളക്ടറും,മുഖ്യ വനപാലകനും ഇടപെട്ടാല്‍ മാത്രമേ കഴിയുകയുള്ളു.
ഇവര്‍ക്കിപ്പോള്‍അത്യാവശ്യമായി വേണ്ടത് തേക്കടിയിലെ റേഷന്‍ കടയില്‍ നിന്നും അരിയും മറ്റുകിട്ടാനുള്ള സംവിധാനമാണ് വേണ്ടത് ഇനിയും കൂടുതല്‍ വൈകിയാല്‍ ഇവിടെ പട്ടിണിമരണം ഉറപ്പാണ്. ഓണാവധിക്ക് ഹോസ്റ്റലുകളില്‍ നിന്നും കോളനിയില്‍ എത്തിയഇവിടത്തെ കുട്ടികള്‍ക്ക് തിരിച്ചു പോകാനും പറ്റാത്ത അവസ്ഥയുമുണ്ട്.