തിരുവനന്തപുരം: രണ്ടുമാസത്തോളമായി വേതനം ലഭിക്കാത്തതിനാല്‍ സമരവുമായി മുന്നോട്ടെന്ന് റേഷന്‍ വ്യാപാരികള്‍. നവംബര്‍ 19ന് സംസ്ഥാന വ്യാപകമായി കടകളടച്ച് പ്രതിഷേധിക്കുന്നതാണ്. താലൂക്ക് സപ്ലൈ ഓഫിസിന് മുന്‍പില്‍ ധര്‍ണയും നടത്തും. റേഷന്‍ ഡീലേഴ്‌സ് കോര്‍ഡിനേഷന്‍ സംസ്ഥാന കമ്മിറ്റിയുടേതാണ് തീരുമാനം.

റേഷന്‍ വ്യാപാരികള്‍ക്ക് ആയിരം രൂപ ഉത്സവബത്ത നല്‍കാത്തതിലും എതിര്‍പ്പുണ്ട്. കൂടാതെ, റേഷന്‍ വാതില്‍പ്പടി വിതരണക്കാരുടെ സമരം അവസാനിപ്പിക്കാന്‍ ഭക്ഷ്യവകുപ്പ് നീക്കം ആരംഭിച്ചു. ഭക്ഷ്യമന്ത്രിയുടെ അധ്യക്ഷതയില്‍ കരാറുകാരുമായി ഇന്ന് ചര്‍ച്ച നടത്തുന്നതാണ്.