കണ്ണൂര്‍: 25ലക്ഷം രൂപ വിലവരുന്ന ഹാഷിഷ് ഓയിലുമായി യുവാവ് അറസ്റ്റില്‍. ചിറക്കല്‍ പുതിയതെരുവില്‍ വാടകയ്ക്ക് താമസിക്കുന്ന റാസിം (25) ആണ് കണ്ണൂര്‍ എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍കോട്ടിക്ക് സ്‌പെഷല്‍ സ്‌ക്വാഡിന്റെ പിടിയിലായത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.കെ സതീഷ് കുമാറിന്റെ നേതൃത്വത്തിലാണ് 532 ഗ്രാം ഹാഷിഷ് ഓയില്‍ പിടികൂടിയത്. പ്രതിയുടെ ബൈക്കും കസ്റ്റഡിയിലെടുത്തിട്ടുണ്ട്. കഴിഞ്ഞ ഒരു മാസത്തിലേറെയായി നടത്തിയ രഹസ്യ നിരീക്ഷണത്തിനൊടുവിലാണ് റാസിമിനെ പിടികൂടിയതെന്ന് എക്‌സൈസ് അധികൃതര്‍ പറഞ്ഞു.
എക്‌സൈസ് സംഘത്തില്‍ പ്രിവന്റീവ് ഓഫിസര്‍മാരായ സന്തോഷ് തൂണോളി, ഷിബു, സജിത്ത് കുമാര്‍, സി.ഇ.ഒ മാരായ രതീഷ് പുരുഷോത്തമന്‍ തുടങ്ങിയവരും ഉണ്ടായിരുന്നു.